Vaia risas con Marcovaldo!

Agora xa tod@s sabemos quen vén sendo Marcovaldo...Todo un personaxe!! Descubrimos ademais que os relatos de Calvino non deixan a ninguén indiferente e as súas historias dan para falar e falar e falar... O certo é que o tempo escapou non sabemos por onde. E é que tamén rimos moito nesta reunión. Xa se sabe, cando un o pasa ben, o tempo semella voar! 

As galletas que nos elaboraron na confitería Bahía con forma de coello foron un éxito total! 

E así, saboreando aínda a sorpresa, anunciamos a próxima lectura para o 27 de febreiro: A mansión dos Pampín, de Miguelanxo Prado. Podedes consultar a sección cómic na web do autor: www.miguelanxoprado.com

Por fin... Tom Sawyer

Ainda que cun pouco de retraso tivemos a primeira posta en común do noso grupo.
Comezamos dando a nosa opinión sobre o libro e para ter un apoio visual na análise dos personaxes vimos un fragmento da serie de debuxos animados tan famosa nos 80. Isto deunos pé para falar de como imaxinabamos a cada un dos personaxes e tamén comentamos como cambiou a oferta audiovisual dirixida ao público infantil e xuvenil desde entón.

 E na próxima xuntanza... que?
Imos cun libro máis breve. Tamén cambiamos de xénero. E ímonos poñer algo románticos.  Coñecedes a Neruda e os seus 20 poemas de amor? E a canción desesperada?
Isto é o que vos propoñemos para o 24 de febreiro. Mesmo podedes aproveitalo para o día dos namorados, quen sabe?

Primeira xuntanza de 1º e 2º ESO

Comezamos a nosa reunión con certa timidez e medo escénico, así que fixemos unha presentación informal de cada un de nós e así coas risas rompemos o xeo.
Os relatos de Poe que lemos  foron O escaravello de ouro  e Os crimes da rúa Morgue. Revivimos todo o desacougo que nos crearon esas lecturas pero que non por iso deixaron de gustarnos.
Ao final, tod@s acabamos comentando o que máis nos  sorprendera, como o reloxo que penduraba da árbore, e cadramos de acordo en que Poe é un autor que paga a pena ler.
E para adozar unhas tramas tan intrigantes, uns bombóns de benvida ao club.
Estade atent@s ao blog para coñecer as próximas lecturas!

Marcovaldo

Escoitastes falar de Marcovaldo? Non, non é un xogador de fútbol nin un actor ou cantante famoso. Quizá ese nome non vos diga nada. De todas maneiras, unha vez que o coñezades, dificilmente o poderedes esquecer. A proposta para a próxima xuntanza son tres historias de Italo Calvino, incluídas en Marcovaldo ou as estacións na cidade (1963), traducido por Silvia Gaspar.

Como o orixinal estaba en italiano, propoñemos un audio nesta lingua sobre un dos relatos, “O bosque na autoestrada”: www.youtube.com/watch?v=1X18AOPFegE

Hai información sobre Calvino na entrada antiga do blog e, como curiosidade, nesta revista de literatura tedes unha explicación do propio autor sobre o seu xeito de escribir, que titula "Cómo escribo": www.lamaquinadeltiempo.com/prosas/calvino01.htm

Vémonos o 23 de xaneiro na Biblioteca!

Primeira xuntanza 4º ESO

Ai! Mal comezamos cando non cumprimos os prazos de lectura!
Pero non pasa nada, xa sabemos que tedes moitos exames e que ás veces non se chega a todo.
Adiamos a data da reunión sobre Tom Sawyer para o 13 de xaneiro. Buscade un oco no Nadal para perdervos nas súas aventuras.

Comezamos!!!

Amig@s do club:

As reunións farémolas dentro do horario lectivo para facilitar ao máximo a asistencia. Organizarémonos en dous grupos, o dos maiores (4º ESO) e o dos máis cativos (1º e 2º ESO) e teremos as xuntanzas coincidindo coa vosa hora de Titoría.

A primeira reunión do Club de lectura será o día 16 de decembro de 2013 para alumnos e alumnas de 4º ESO e o día 19 do mesmo mes para 1º e 2º ESO.

A chave dos libros abre o paso ás primeiras lecturas: Tom Sawyer (para membros do Club de 4º ESO) e relatos de Edgar Allan Poe (para alumnado 1º e 2º ESO). Se queredes información sobre estas obras e os seus autores, facede as vosas pescudas polo blog.
E xa podedes pasar pola Biblioteca para recoller os exemplares que están a agardar por vós!

Xa temos club!

Non tivemos que presentarnos a unha proba de selección. Tampouco houbo que pasar unha entrevista ou presentar documentación de ningún tipo... Xuntámonos para formar parte do Club de lectura porque nos gusta ler e queremos compartir historias e experiencias. Imos estar no Club deste curso 2013-14 pola parte do alumnado:

1º ESO A

Agua Menacho

1º ESO B

Carla Palmeiro

María Rodríguez

Paola Sención

Dérek Pérez

2º ESO A

Paula Fernández

Clara Fernández

Mariña Barreiro

Marta Fernández 

2º ESO B

Candela Muñíz

Paula Rosales

Carmela Sánchez

Martiño

Carla Sánchez

Lucía López

4º ESO A

Cristina Leandro (PDC)

Rocío Jiménez

Fátima Novo

4º ESO B

Alba Basanta

Rocío Couto

Xabier Doural

Andrés Filipe Oliveira

E pola parte do profesorado:Montserrat García Sanjurjo, Jesús García Cortázar e Begoña Abad Navas.

Abrimos A chave dos libros!!